The Mummy thar tihchhuah tura ruahmanna kal mekah, a chhuak hmasa lama a changtute pahnih Brendan Frase leh Rachel Weisz te chu an chang dun leh dawn a, Matt Bettinelli-Olpin leh Tyler Gillett te chuan he movie thar hi an direct dawn thung a ni.
A tihchhuah hun tur la sawi ni lo mah se, The Mummy chhunzawmna hi a awm leh ngei dawn tih a chiang a, a changtu ngai pahnihte hi an awm leh ngei dawn tih nemngheh a ni bawk.
Kum 56 mi Fraser leh kum 55 mi Weisz te hian kum 1999 khan Stephen Sommers-a direct-na hnuaiah The Mummy a Rick leh Evelyn O’Connell lem an chang dun hmasa ber a, vawiin thlengin an la inkawp tluang ta zel a ni.
Kum 2001 khan The Mummy Returns ah chang dun lehin, hemi tum phei hi chu Dwayne Johnson (The Rock) inlanna leh film-a a inlan hmasak berna a ni bawk.
A changtute pahnih hian heti taka film hlawhtling hi a nih an ring bik lo a, Weisz phei chuan kum 20 chuang an chan hmasak ber atangin liam tawh mahse, heti taka hlawhtling a nih a rin loh thu sawiin, kan siamtirh lai phei kha chuan ticket kan hralh theih pawh hi ka ring ngai lo, a ti hial.
Weisz chuan a sawi zelnaah, The Mummy hian mi zawng zawng hnenah engemaw zun, cham veng veng thei a hnutchhiah tawh ni ber hian ka hria a, chu ringawt pawh chu thilmak a tling a ni, a tichhuak hial.
An pahniha an chang dun leh thei tur chu an hlim thu leh, chona thar hmachhawn vat vat an chak leh tawh thu an sawi.