Mizo model hleitling leh thleng sang ber pawl, Nunui Rualhleng channa movie thar chu tihchhuah a ni ta.
He movie hi — Project AH: Hnam Hmelma — tih a ni. Zirtawpni zan khan Vana pa Hall-ah premiere a ni.
He movie director hi Adama a ni. A kaihhruaina hnuaiah a tam zawk chu film industry-a hmelthar deuh vek an ni a. Mizo Best Male Actor nihna hauh mek, Maruata Royte bakah Adama leh Mizo model Nunui Rualhleng te chu acting lama sulhnu neisa deuhte chu an ni mai.
Action movie tih takah, he movie-a fight scene zawng zawng, choreography zirpuitu chu Mizoram Parkour and Free Running (MZPF) te an ni a. Action movie a nihna angin insual zir a ngai a, an zirna atan Gidae Taekwondo Academy, ITI ten an hmunhma an hman tir a. An ralthuamte chu Ngila & Sons, Thakthing Bazar-ten an hman tir a, min hman tir bawk.
Project AH: Hnam Hmelma — movie hi kumin June thla atang khan production tan niin, September thla tawpah shooting ngawr ngawr zawh fel a ni. Movie production an neih chhung hian, a changtu thenkhatin inhliam leh taksa sil them thum an nei. Mahse, tupawh maiin, insual leh tihngai hrim hrim kha aiawhtu (stuntman) an ruai chawp lo va, mahni vekin an chang tluan a ni.
Action movie ni mah se, nu leh pate’n an fate, kum tlinglote tana pawha en phal loh chin ramri a pel lem lo. Chhungkaw tinin tim miah lova en ho theih tura him a ni thung.
Zirtawpni zana premiere a zawh rualin, he movie hi AiduPlay leh Lersia Play apps-ah te en theih tura chhawpchhuak mek a ni.