Justice Surya Kant chu Thawhtanni hian Chief Justice of India 53-na atan lak luh a ni dawn.
Justice Kant-a hi court rorelnaa ram chhunga thutlukna lian tak tak siamtu zinga lo tel tawh a ni a. Heng zingah Jammu & Kashmir-in ram danpui Article 370-na hmanga inhung bikna a neih hlih te, Bihar electoral roll ennawn leh Pegasus spyware thubuaiah tepawh a ngaituahtu zingah a tel.
CJI tanglai, BR Gavai-a chuan Pathianni tlai khan a pisa a chhuahsan a, a thlak dawn a ni.
Justice Kant-a hi thla 15 chhung vel a nihna tharah hian a awm dawn a, February 9, 2027-a kum 65 a tlinah a kalsan ang.
February 10, 1962-a Haryana-a Hisar district-a chhungkaw pangngai tak atanga piang, Justice Kant-a hian kum 2011 khan Kurukshetra University atangin law-ah Master’s degree nei niin distinction-a zovin ‘first class first’-in a pass chhuak.
Punjab & Haryana High Court-a judge a nih laiin thutlukna pawimawh tak tak a lo siam tawh a. October 5, 2015 atang khan Himachal Pradesh High Court-ah chief justice a ni.
Article 370 hlih te, zalen taka thu sawi theihna leh citizenship right chungchanga thutlukna siamtu zinga tel, Justice Kant-a hi Election Commission of India-in Bihar-a Special Intensive Revision (SIR) a kalpuia hming chiang ve lo mi nuai 65-te nihna kimchang pho chhuak tura titu zingah khan a tel bawk.
Supreme Court Bar Association tela bar association zawng zawnga hmun thuma thena hmun khat hmeichhiate tana hauhsakna tura thu titlutu zinga mi a ni bawk.