US President a nih laia Dolly Parton hnena Presidential Medal Of Freedom chawimawina a hlan lo chu thil tihsual lian tak a nih thu Obama-a’n a sawi.
America rama civil mite chawi-mawina ropui ber hi President ni mekte’n an pe thei a; dawng hnaivai ber te chu Bruce Springsteen, Diana Ross leh Elvis Presley (Ani hi a boral hnu, 2018 khan an pe) an ni.
The Late Show host, Stephen Colbert nena tunhnaia an inkawmna ah host-in, “Engvangin nge Dolly Parton-i’n Presidential Medal Of Freddom a dawn loh le,?” tia zawhna chu Obama chuan, “Tihsual dik tak a ni. Min shock zui hle,” tiin a chhang.
A sawi zelna ah, “Thil fel lo tak a ni a, mak pawh ka ti. A dawng daih tawh emaw ka lo ti a. A dik lo hle a ni. Mak ka ti. A phu ngawih ngawih. Biden-a ka lo phone ang,” a ti bawk.
- Tunge a nih?
A hming tak chu Dolly Rebecca Parton niin January 19, 1946 khan Sevier, County, Tennessee, U.S-ah alo piang a, American singer, actress, songwritter ni bawk hi chhungkaw rual zet mai leh chhungkaw harsa ve tak atanga lo chawr chhuak niin, apa pawh huan enkawltu ve mai a ni.
Dolly Parton hi naupantet atanga zai tui chho tawh a ni a. Television Programe-ah te show dang dangah te alo zai ve al al tawh thin a, kum 10 anihin show ah a zai daih tawh.
Apu hi hlaphuah thiam ve tak ani a, a chhunfuh hle. A hla record ve hmasakber chu kum 13 mi chauh ala nih laiin,”Puppy Love”tih 1960- a a record kha ani. Tun thleng hian a lar zual zel.