Education Minister Dr. Vanlalthlana chuan nimin khan Govt. Khawzawl High School, Khawzawlah zirlaite ‘Meet Your Minister’ programme a hmanpui.
Minister Dr. Vanlalthlana chuan zirlaite chu naupan lai hian mahni kalkawng tha tak a sial theih a, an tum phawt chuan engpawh a theih a ni tih a sawi a. Nih tumte an neih chuan an nih theih dan tur leh an nih hun tur mitthlaa a taka thlentir turin theihtawp chhuah turin a fuih a, harsatna an tawk a nih pawhin beidawng lova um zel turin a chah.
Minister chuan thu a sawi zawh hian zirlaite nen inkawmna hun a hmang nghal a, an zawhnate chhangin fuihna thu a sawi chhunzawm a ni.
Dr Vanlalthlana hian rilru hriselna (mental health) lam lehkhabu chi hnih leh career guidance lam lehkhabu chi hnih naupang hnenah a sem bawk a ni.