England leh Germany chu tun dinhmun meka season leha Champions League khel thei tur dang thawh thei tura inelnaah hmahruai mektu an ni.
2024-25 season atang khan Champions League first round chu team 32 atangin 36-ah tihpun a ni a, Uefa chuan season hmasa chiah zela che tha ram pahnih tan qualifying khelh theihna hmun a siamsak thin.
Uefa-in association ranking a siamah Champions League, Europa League leh Conference League-a chakin point hnih hmuin a hmu sang ram pahnihte chuan season lehah Champions League hmun ruak pakhat an neih belh thei.
Season tluanin Champions League, Europa League leh Conference League-ah vawi khat chakin point hnih leh hnehtawkin point khat ve ve pek an ni a. Round dawt thlenin bonus point pek zel an ni bawk.
Qualification round-ah erawh point an hmuh hi a zahve zel a ni thung.
Point an hmuh belhkhawm chu season tira ram khat atanga European inelnaa tel zat club-a sem leh thin a ni.
2025-26 season-ah hian England atangin team kuain Europe-ah an khel mek a, an point hmuh belhkhawm chu pakuaa sem tur tihna a ni.
Tun season-ah hian England leh Spain chu 2024-25 khan an club an chet that avangin hmun khat ve ve pek belh an ni a. Champions League-ah Newcastle leh Athletic Club an inlan theih phah.
2024-25 season khan Italy leh Germany hnenah pek an lo ni tawh a, Bologna leh Borussia Dortmund an inlan a ni.
England hian tunah Germany lakah hma hruai mekin Champions League hmun khat neih belh thei an ni mek a. Nilaini zanah pakhat chak leh chak lo pahnih an nei.
Arsenal-in Bayern Munich an hneh a, point 1 dawnin Germany lakah hma an hruai phah a, Eintracht Frankfurt-in 3-0-a Atalanta an hneh loh avangin point an hmuh belh lo.
Atalanta-in hnehna an chan avangin Italy hian a sang pahnih an hnaih sawt a, Spain pawhin Atletico Madrid-in Inter Milan an hneh bakah Real Madrid-in Olympiakos an hneh avangin Italy hi an nih rual ta bawk.
Sporting-in Club Brugge an hneh hnuah Portugal chu pangana an ni a. Cyprus chu Pafos-in Monaco an hnehtawk avangin parukna an ni.
Copenhagen-in Kairat Almaty an hneh avangin Denmark chu pariatna atangin pasarihnaah an kai a. He result avang tho hian Poland an tawlh hnun phah thung.
France leh Belgium chu pakuana leh 10-na an ni a. Paris St-Germain-in Tottenham an hneh a, Monaco-in Cyprus-ah an tumpui an hnehtawk bawk.