AZL: Multidisciplinary Research Unit (MRU), Zoram Medical College & Hospital (ZMC&H), Indian Clinical Trial & Education Network (INTENT) Centre, Christian Medical College (CMC), Vellore leh Department of Health Research (DHR), New Delhi tangkawpin Mizoramah a vawi khat nan Clinical Trials Workshop an buatsaih chu Ningani khan neih zawh a ni.
November ni 25-27, 2025 chhung khan Clinical Trials Workshop hi Aijal Club-ah buatsaih a ni a. He workshop-ah hian India rama Clinical Trials a sulsutu pawimawh tak takte chu he hun hmang tura sawm niin, hmarchhak state pathum – Nagaland, Tripura leh Mizoram Medical College Faculty te atanga thlan chhuahte an tel a ni.
He workshop hi Mizoram tan Clinical Trials a kailawn pawimawh tak ni tura beisei a ni a. Clinical trials hi mihring volunteer-teah damdawi hman dan thar, surgery kalphung bakah hmanrua te mihring a hman chhunzawm tan a him leh tangkai thei ang em tih zirchianna a ni.