Aizawl: Indian Council of Historical Research (ICHR) te bultumin Department of History & Ethnography, Mizoram University buatsaihin hmarchhaka hnamze hrang hrangten an nunzia inzirtir dan November 24-25, 2025 chhung khan an zirho.
MZU Dean’s Seminar Hall-ah North-East India hnamzia zirhona buatsaih hi, hmakhawsang atang tawh a tribal leh hnam te zawk te, nundan phung leh hnamzia an lo inzirtir dan chu pho chhuah a chipchiar zawk a zir chu a tum ber niin, tunlai zirna kalphung leh zirna inah te chawiluh chu a tum a ni.
Heng thlahtute atanga inzirtir, Indigenous Knowledge Systems (IKS) an tih hian lo neih dan te, ei bar vawn that dan te, khaw chin hriat dan te, hnathawh dan te leh thil tam tak a huam tel a. Heng inzirtir dan hi vawn that leh chawinun a nih theih nan seminar hi buatsaih a ni a, tunlai zirna leh zirna inte nen inzawmna siam chu a pawimawh a tih leh a tum te zinga mi a ni.
He hunah hian MZU Vice Chancellor, Prof. Dibakar Chandra Deka chu khuallian niin thu a sawi a. Ani bakah Prof. K. Robin, Department of History & Ethnography, MZU leh Prof. H. K. Laldinpuii Fente, Dean, School of Social Sciences, MZU-te chu khualzahawm niin thu an sawi bawk.