‘Karaoke’ tangkaina leh hlawkna hriat lar a nih viau laiin, khawvela thil siam chhuah tawh azawnga fuh lo ber nihna pek a ni tlat mai a. British thalai za zela 25% te chuan ‘siam lo law law se a tha zawk’ an ti.
1971 khan Japanese musician Inoue Daisuke chuan ‘Karaoke’ tia hriatlar, ‘Empty orchestra’ tia sawi thin chu siam chhuakin Asia khawmualpuiah lawm a hlawh hle a, hemi hnu lawk hian Europe-ah kangkai chhovin an tuipui nghal.
Daisuke hian tum loh puia a hmuh chhuah he thiamna hi pound million 100 chuang man lawih a ni ang tih a beisei pha kher lo vang.
British Inventor director Kane Kramer chuan, “Karaoke hi mite nin ber list-a tarlan a ni hi kawng lehlamah chuan a dikna chen a awm ang. Karaoke kan sak chuan kan hlim a, nuam kan ti a, mahse a lo ngaithlatute tan chuan tah leh ha thialna hial a ni thei a, i sak chhung zawng khan hrehawm an lo tuar tlawk tlawk tihna a ni,” a ti.
England rama Karoke khawl lalut hmasaber tu Ivor Arbiter hi 2005 khan a boral tawh a, 1987 kuma Japanese Trade Fare pakhata an kalnaah a fanu Joanne nen hmu fuhin an hawn a, Joanne chuan, “Mipui tan ninawm leh bengchheng siam mah se mi sang tam takte tan zaia eizawnna kawng sialsaktu a ni a, kei chuan ka dahhniam thei lo a ni,” a ti ve bawk.