School education minister chuan zirna kalphung thlak a nih tur thu sawiin, hindi leh mizo tawng hman hun siam a nih tur thu a sawi a, rahtha chhuah mawlh teh se.
Kan zirna hi a chhe lo a, sorkar pawhin a enkawl school-teah hian zirtirtu thiam leh training chhuak hlir a lak leh dah tawh avangin state dang ngaihtuahin kan nep bik hauh tawh lo.
Chuti a ni chung chuan private institution kan la bawh nasa em em a, fee nise a sang tual tual bawk. Sorkar school a la thang hlei thei lo a, result lah nise hniam lam zawngin a tawlh zel bawk si. Inenfiah chu kan ngai nasa tawh a ni.
Tuna a changtu minister hoa zirna kawng hrang hranga thlak kual an tum hian rah tha chhuah se la, sorkar school bawh nasa tura inzirtirna leh Mizo leh Hindi chawilar a nih theihna kawng a ruahman hrang hrangte hian rahtha chhuahin, kan kalphung her dik mawlh teh se.
Kan kalphung hi kan her dik hret hret a nih loh chuan kan zirna hian hniam lam a pan zel chu a ni si a, tuna insiamthar tumna hian kawng dangah pawh hmasawnna keng tel se la, kan hawiher pawh changkang zawk ni mawlh thei bawk teh se. Chuti a nih loh chuan sorkar school hian hniam lam a pan chho zui zel palh ang tih a hlauhawm thin.