Kalphung thlak danglam a ngai a awm hian a nghawng a thui duh viau a, harsatna neuh neuh a awm zui bawk thin. Mahse, chu chu a tha zawk a chhuah theih nana tangkai a ni fo.
Kan zirna kalpui dan thlak hret hret tumin hmalak mek a ni a, mihring kan fingin, naupang zawkte hawiher thlengin a changkang tawh a, kan kalphung thlak hret hret kan ngaih avangin a tuartu an awm a tul a, mahse harsa ni erawh chuan a lang lo.
Kan zirna siamthat nana education department lamin kawng hrang hranga hmalak an tumna hian rahtha chhuah se la, chutih rual erawh chuan an hawiher tizauin, rawtna leh thurawn lakna erawh an nei ngah deuh a tul thungin a rinawm.
Kan ram hi siamthat leh khalh ngil a ngai fo a, hmana tha kha a tha reng lova, siamrem ngai leh siamthat mai theih hi ngaihthah a ni fo thin bawk. Tunah erawh siam danglam hret hret tumna a awm ta niin a lang a, hei hian rahtha chhuah se a va duhawm em.
Khawvel vir rualin kan vir ve a, kan tlakna leilung chu engpawhnise kan kalphung hi tuipuirala mite ang tho a nihna chen a awm ve tawh a, hmasawn kan ngaihna lai tam tak a awm bawk.
Rahtha chhuah tur hian tangrual ila, sorkar pawhin mipui leh a kaihhnawih pawl hrang hrangte rawn tam se la, zirna hmelhmang duhawm leh changkang zawk i paw chhuak mawlh teh ang u.