Israeli-ten thlawhna atanga Gaza Strip an kahnaah mi 32 vel an thi niin tual chhung thuneituten an sawi.
Hamas hnuaia civil defence agency chuan thi zingah hian naupang leh hmeichhia pawh an tel niin an sawi a. An kah pakhatah chuan helicopter gunship hmangin chhim lam, Khan Younis-a baihvaite awmna puan in kah niin a sawi.
Palestinian-te chuan Inrinnia beihna an tawrh hi US President Donlad Trump-a rawt anga October thlaa inkahhai puan hnua a thawh hnihna, tun thla tir atanga kalpui mek hnua beihna an tawh nat ber niin an sawi.
Israeli sipaite pawhin Zirtawpnia Hamas-ten an inremna an bawhchhiat chhan let nan hmun eng emaw zat an kap tih an puang.
Israel leh Hamas hian inkahhai an kalpui mek hi bawhchhiaah an inpuh tawn reng a. Israel Defense Forces (IDF) chuan inremna an neih anga Gaza-a an sipaite an dahna hmun, Rafah khawchhak lama lei verh atangin firfiak pariat an chhuak niin an sawi a ni.
IDF hian Israel Security Agency (ISA) nen ‘commander pali leh mi firfiak dang’ bakah an ralthuam chhekna leh ‘Gaza Strip lailia Hamas hmun pahnih’ telin hmun eng emaw zat an kap tih an sawi a ni.
Hamas chuan beihna hi demin US chu inrawlh turin an ti a, ‘he thil hi Israeli sorkarin strip-a chengte rawng taka a suatna’ finfiahna a ni tih an sawi.