Zayn Malik chuan kumin hian KONNAKOL tour neih tumin, hmun hrang hrangah show neih a tum a, a album thara mi tur zinga mi ‘Die for Me’ tih hla hmangin music video thar a rawn tichhuak hmasa phawt.
A hla thar hi amah pawhin a hlut thu sawiin, entu pawh an thahnem nghal hle a, a buatsaih tirh atanga a nuna hmun thuk tak a chan thu a sawi bawk.
A album pangana tur KONNAKOL hi April 17 a tihchhuah a tum thu Malik chuan sawiin, ka tana hlu leh awmze thuk tak nei album a ni dawn a ni, a ti.
KONNAKOL tour hi Maya atanga November thleng neih turin a ruahman a, North America, South America, Mexico leh UK ah te neih turin a ruahman a ni.
Ticket hi February 10 atanga zawrhchhuah tura ruahman niin, tunah hian ticket lei tum fans an tam tawh hle niin buatsaihtu lam chuan an sawi.