Home minister K. Sapdanga chuan an sorkarin kuhva smuggling khauh zawka kenkawh an tum thu sawiin, a inhnamhnawihte pawh an dim dawn loh thu a sawi a, a taka kalpui zel ni mawlh teh se.
Hun hmasa lamah kuhva smuggling avangin kan unaute tam takin kawng hrang hrangin harsatna an tawk a, kuthnathawktuten an kuhva tharchhuah an hralh thei lo a, lirthei chan tam tak an awm bawk.
Kuhva smuggling hi reh tawp a la ni lova, sorkar hian a enzui uluk zual deuh deuh pawh a tul hle. Home minister berin vantlang hriata a puanchhuah takah chuan rahtha chhuah zual mawlh se la, mipui vantlang himna hi a pawimawh ber tih hriat tel ni bawk rawh se.
Minister berin a sawidan chuan a inhnamhnawihte chu civil mi an ni emaw, service lai an ni emaw an dim dawn lo niin a sawi a, hei hi an vawn reng ngam pawh beisei teh ang.
Sorkar hian a duh tak tak chuan hma a la thei khawp mai tih kuhva smuggling chungchangah ringawt pawh hian a hriat theih a, kan ministry kal mek pawh hian khauh leh fir zawkin hma la mawlh teh se. Kuthnathawktute hi kan rama mi pawimawh leh ngaihtuah ngai ber pakhat an ni si a.