Mimi Renthlei chuan kumina a single music video hmasa ber a buaipui mek.
A single music video tur hi a hla phuah a ni a. a title atan — Ka mawi ve em? — a vuah a. Pop ballad lam a rawn hrut dawn a. Tunah hian voice recording bik a ti zo tawh a. Voice recording hi live vekin a record a ni.
Ka mawi ve em? — music turah pawh hian Mimi Renthlei hian musician pawh a thawhpui tha hlawm khawp mai a. Mizo musician kan neih zingah a tha ber ber zinga mi Mike-a, Sangkima, Ephraim leh Peka te an rawn thawh chhuah pui dawn a. Anni hian a hla thar tur hi live-in music arrangement an tihsak vek a ni. Hei pawh hi an record fel tawh a. Mixing vel erawh an la khawih dawn a, an la zo lo deuh a. Hei pawh hian hun rei a mamawh tawh lo mai thei.
Mimi Renthlei hian a come back music video tur hi a tihchhuah hun tur erawh a la sawi chiang thei lo va. A tum dan chuan, tun February thlaah tihchhuah hman a tum rilru deuh a, mahse, hei pawh hi a tumna mai chauh a la ni a. February thlaa a tihchhuah hman loh erawh chuan, March thlaah hi chuan tihchhuah a tum viau.