Indian sorkar chuan social media company-te chu dan pela thil tar lante chu hriattir an nih atanga darkar thum chhunga la thla zel turin a ti thar a, hei hi a hmaa darkar 36 hun pek thin kha niin Meta, YouTube leh X tan chuan chona a tling ngei dawn.
Prime Minister Narendra Modi-a sorkar lai khawvel huap technology company-te inhnialna ni reng, India-a 2021 IT rule hman lai chu Thawhlehni khan ennawna tihdanglamna pawm a ni a, sawi a tam lehzual ngei rin a ni.
Inkaihhruaina thar hi February 20 atanga hman tan tura tih a ni.
India hi khawvela online-a thil dah chhuaha khuahkhirhna leh kaihhruaina nei khauh ber ram a ni sa a, platform hrang hrangte hi hmangtu maktaduai khat zet an awm si avangin sorkar khuahkhirhna hi sawi a hlawh phah zual.
Sorkar hian an kal dan pangngai thlaka hun tiam a tihtawi chhan chiang takin a sawi lo.
“A tak takah chuan social media firm-te tan darkar thum chhunga thil paih hi a theih loh,” tiin technology dan lama thiam bik, Indian law firm Panag & Babu-a tel pakhat, Akash Karmakar chuan a sawi a. “A tak tak leh sawi mai chu a inang thei lo a ni,” a ti.
India hian online-a thil sawi chhuahah khiahkhirhna hrang hrang a siam a, tun hnaiah pawh officer-te chu online-a pho chhuahte la thla turin thu an pe fo thin a. Digital-a dikna chanvo humhalhtuten an sawisel nasa a, Elon Musk-a X leh company dang nen pawh neuh neuh an neih phah fo bawk.
Facebook neitu, Meta chuan Indian sorkarin dan a tihdanglam chungchangah hian engmah an la sawi duh rih lo va. X leh Alphabet hnuaia awm, YouTube enkawltu, Google pawhin ngaihdan an la sawi lo.
Social media company-te hi online-a thil dah chhuahah ram dangte pawhin fimkhur turin an lo ti tawh thin a. Brussels atanga Brasilia thlengin, sorkar chuan rang zawka thil tha lo paih tur leh thil dik tilang turin an lo nawr tawh thin ve tho bawk.
India-a IT rules-ah chuan sorkar hi dan bawhchhiaa thil tar lan paih tura ti theitu a ni a, heng zingah hian ram himna atana tha lo leh vantlang tana thupek tichhe thei thil paihtir theihna pawh a tel.
Tun hnai kum rei lo te chhungin sorkar hian thil tar lan paih tura tih sang tel a nei niin chhuitute chuan an sawi a. Meta bik ringawt pawhin India-ah hian kum 2025 kum chawhma thla ruk lek chhungin thil tar lan 28,000 chuang khuahkhirhna an tuar a ni.
“He rule chungchangah hian inrawnna a awm lo va, khawvel kalphungah chuan hun rei zawk pek kan ni,” tiin social media executive pakhat chuan a sawi.