Aizawl: Achievers’ World leh Indian Achiever Forum-te tangkawpin an buatsaih, ‘National Summit 2026 – Vikshit Bharat 2047 through Comprehensive Socio-Economic Development’, Le’ Meridien Hotel, New Delhi-ah Nilaini khan neih a ni a. Health & Family Welfare leh Social Welfare, Women & Child Development Minister ni bawk Lalrinpuii chuan chawimawina ‘Women Icon Award 2026’ a dawng.
India-in kum 2047-ah Developed Country a nih theihna tur atana hmalakna – Mission Viksit Bharat huang chhunga tehfung pawimawh tak pakhat Healthcare sector-ah Mizoram Health Department chu an thawh that em avang te, mi tin ban phak Mizoram Universal Health Care System (MUHCS) buatsaih a nih avang te, thingtlang mite’n zangkhai zawk leh awlsam zawka ruang an phurh theihna tura Social Walfare-in mipui tan a ruahman avang te, kum kalta chhunga Mizoram chu India state hrang hrang zinga kum khat hnuailam thi zat (Infant Mortality Rate) hniam berna pawl an nih theih avang te, Mizoram Health Systems Strengthening Project (MHSSP) kaltlanga damdawi in hrang hrangte thawm that an ni leh sorkar damdawi in tam takte’n damdawi in tha tehna NQAS certificate dawng theia an inhlankai avangtein he award hi Health Minister Lalrinpuii hnenah hlan a ni.