Aizawl: BJP Mizoram chuan nimin khan Union Budget 2026 zirhona ‘Special media & Digital Influencers Meet’ chu Aijal Club McCabe Hall-ah an nei.
Union Budget 2026 zirhona neiha Resource Person Daniel Lalawmpuia chuan, India ram hi nasa takin a thang mek a, Union Budget tharah hian Mizoram pawhin a chan tur a tam deuh thu mi thiamte sawi pawh an hre ta nual a, mahse, heta a chan tamna chhan hi sorkar lai hmalakna vang emaw ni lo vin, central hian Criteria For Distribution of Central Taxes hmanga state tin te chan tur an siam vang a ni tih a sawi a, tute emawin politics khelh nana an lo hmang chu a tehfung dik a ni lo tih a chiang thu a sawi.
Daniel Lalawmpuia chuan tunlaia scheme langsar leh lar tak, VB-G RAM G chungchangah ni 125 inhlawhna turah hian State Marching Share a ngaih dawn avangin, Mizoram state retheite tan hian a nihna ang tur taka inhlawh hi a harsa ang em tih zawhna a awm thei a, Semiconductor 2.0 hmanga technology hmanga sum lak luh tumna a lian hle a, digital leh animation, gaming, film, music, design, leh digital content hmanga hna siam te tum a ni, hei hi Orange Economy tih niin sawi a hlawh hle tih a sawi.
Inkhawm hi Mizoram State Jt Treasurer Lalremsangi Fanai -in a kaihruai a, PC Lawmkunga, IAS (Retd) chuan Concluding remarks a nei a, kalkhawmte hian Union Budget 2026 chungchang an sawiho bakah zawhna leh chhanna hun an hmang bawk.