Mizo Zaimi Inzawmkhawm General Hqrs chuan inter college beat contest huaihawt turin hma a la mek a, inter college beat contest hi March ni 4 leh ni 5, 2026 ah Vanapa Hall, Aizawl-ah neih a ni dawn.
MZI inter college beat contest-ah hian Mizoram district hrang hranga college engemawzatin an tel tur thu tichiang tawhin, an inbuatsaih chho mek a. He inelnaa tel tur te chuan hla pahnih – Mizo hla leh sap hla online-a an thehluh chu endiktu ten an endik hnuah a tha zual 10 an thlang chhuak ang a, March ni 4 leh ni 5, 2026 ah Vanapa Hall, Aizawl-ah Grand Finale neih a ni ang.
He inelna endiktu tur te pawh Mizo zingah chuan ‘an ni bak an awm chuang love’ tih tur thiau an ni dawn a. College band thiam bera an thlan ten lawmman atan Rs. nuai 1 an dawng ang a, runners-up, top ten band leh mimal ti tha te lawmman tha tak tak siam a nih bakah finalist zawng zawng tan lawmman siam a ni bawk.
MZI Gen. Hqrs. hian nikum lamah inter-high school & higher secondary school beat contest pawh hlawhtling takin an lo huaihawt tawh bawk a ni.