Aizawl: Mizoram sorkar chuan March 2, 2026 (Thawhtanni) atanga April 2, 2026 (Thawhtanni) thlengin Mizoram House Online Reservation Portal a enchhin dawn.
Mizoram House Online Reservation Portal enchhin a nih chhung hian India ram hmun hrang hranga Mizoram sorkar enkawl Mizoram House a room hauh lawk duh chuan online portal ‘mizoramhouse.mizoram.gov.in’ kaltlangin dilna thehluh tur a ni a. Mipuite pawhin GAD Office leh Mizoram House pan lovin website kaltlang hian room hauh lawk dilna thehluh tur a ni ang.
He ruahmanna hi Mizoram House-a room hauh lawk dan kalphung felfai, langtlang leh mumal zawk a awm theih beiseia siam a ni a, enchhinna hi a hlawhtlin chuan April 2, 2026-ah official-a kalpui tan tura inruahman a ni bawk.