Aizawl: KTP General Conference neih hun nen a inrual avangin Chapchar Kût hman hun sawn a ni tih Art & Culture minister in House a hrilh.
Assembly budget session neih mekah Thawhtannia zawhna leh chhanna hunah member te zawhna chhangin Art & Culture Minister C Lalsawivunga chuan Chapchar Kut hman hun chu kum tin March thla Zirtawpni hmasa ber a nih thu leh hemi rual chiah hian KTP in General Conference an nei ve bawk tih sawiin, “Organising committee-in ngaihtuahna a seng a, sorkar lam zawk hi kan tawlh thei ang tiin, kumin atangin sawn a ni a, hei hi kum tin hman tur a ni tawh ang,” a ti.
Chapchar Kût organising committee-in ruahmanna a siam dan chuan, kum tin March thla Zirtawpni vawi hnihnaah Chapchar Kût hman thin tawh tur a nih thu Art & Culture minister hian a sawi bawk.