Bollywood lemchanthiam Katrina Kaif te chuan an fapa neih hnuah, an chhungkuain a vawikhat nan Holi an hmang a, an hlim hle.
A social media account lama a tarlan danin Katrina hi a pasal Vicky Kaushal leh a naute Vihaan te nen an hlim hle a, Kaushal-a unaupa Sunny Kaushal leh Kaif-i unaunu Isabelle Kaif te an tel ve bawk.
Katrina chuan Holi hlimawm, enna kut kan thleng leh ta, tia sawiin, an chhungkua bik hian hlim takin thla an la ho a, an thlalak dangah chuan an unaunute hi an lo tel ve bawk a ni.
Katrina leh Vicky te hi December 9, 2021 khan Rajasthan-a Six Senses Fort Barwara-ah inneiin, sawm bik mi 120 te hmaah an innei a, an inngaihzawn thuthang pawh tlang thantir em em lovin, an innei deuh thut a ni.
An inneih atanga kum 4 hnu, nikum November 7 khan an fa hmasa ber ni turin fapa Vihaan an nei a, kumin hi an chhungkaw thara Holi an hman hmasak ber a ni bawk.