Aizawl: Central YMA huaihawtin Nilaini khan Ruihhlo do chungchang an inrawnkhawm.
Tuikhuahtlanga Central YMA Hall-a ruihhlo chungchang inrawnkhawmna hi Central YMA President R Lalngheta’n a kaihruai a. Central YMA General Secretary Prof Malsawmliana’n Ruihhlo Do kawnga Central YMA hmalakna tlangpui a sawi.
He hunah hian Central YMA hruaitu (Office Bearer) lo ni tawh thenkhat, Central YMA hnuaia ruihhlo do pawl SRS leh CADS member lo ni tawh te leh CEC nilai leh Central YMA OB te an tel.
Inrawnkhawmna hian hruaitu hlui ten thusawiin, Central YMA hmalak mekna tha an tih thu leh, theihtawp chhuah a hmalak mekna tha an ti a. Tha thlah lo leh beidawng mai lova thawk zel tur te, fimkhur taka ruihhlo do zel turin an duh thu an sawi a. |awngtai tam a pawimawh te an sawi a, dikna leh rinawmna vawng reng turin kal khawm te an chah.
SRS leh CADS a lo tel tawh, ruihhlo do a tha leh zung lo seng tawh te paw’n thu sawiin, ruihhlo ngaite hi Pathian an hmuh theihna tura hmangaihna thinlung pu chung a thawk turin, tun a ruihhlo do mek tute an chah bawk.
Kal khawm te hian YMA in ruihhlo do kumpuana a hmang mek hi an thlawp tlat thu an sawi.
He hunah hian hruaitu hlui zingah Vanlalzawma, T. Sangkunga, Vanlalrema Rokhum, RL Rindika, Chalkhuma, Lalzuiliana, Vanlalruata leh Fabian Lalfakawma te an tel.