Aizawl: Mizoram sorkarin kum 2024-2026 January chhungin sawhthing quintal 3,40,098 lei tawhin, a hralhna atangin Rs 12,78,07,290 a hmu.
Mizoram Budget session neih meka Agriculture & Farmers’ Welfare department changtu Minister PC Vanlalruata’n Tuirial bialtu K. Laldawngliana zawhna ziaka a chhan danin kum 2024-2026 January chhungin thlai thar thlan bik, sawhthing quintal 3,40,098 a lei tawh a. Sawhthing leina atan hian Rs 1,41,16,84,410 a seng tawh a, a hralhna atangin Rs 12,78,07,290 a hmu let tawh bawk.
Hemi hun chhung vek hian sawhthing bakah ZOHANCO kaltlangin hmunphiah ro quintal 2,497 a lei tawh a, sum a sen a nei lo thung.
Buhhum quintal 4,156.8 lei tawhin a leina atan Rs 1,24,69,860 a seng a. Mizo hmarcha leh aieng te a la lei lo.