Tun hnai khan podcast pakhatah Selena Gomez leh a pasal Benny Blanco te chu inlanin, hemi tum hian a hmalam hun atana an duhthusamte zawh an ni a, Selena Gomez chuan fa pali tal neih a duh thu a sawi.
Kum 33 mi Gomez chuan fa engzahnge an beisei tia zawhna chu pali tia chhangin, a pasal kum 37 nena chhungkaw duhawm din chhoh a, fa pali tal neih a duh thu a sawi a ni.
A pasal Blanco erawh chuan fa neih ngei chu a duh a, mahse a zat erawh a hriatthiam loh thu sawiin, engkimah chhungkaw awm dan chu chunglam thu thu a nih tur thu a sawi ve thung.
Hun hmasa lama an kawmna pakhatah Blanco hian pa nih a, chhungkaw enkawl chu a duhthusam a nih tawh thu a sawi a, chutiang tur chuan nitin a tawngtai ve thin thu a lo sawi tawh a ni.
He an inkawmna hi ruahman dan chuan kartin tihchhuah a ni dawn niin a buatsaihtute lam chuan an sawi.