All Mizoram Elected Women Representatives (AMEWRS) chuan International Women’s Day pualin Synod Hospital, Durtlang-ah damlote tan an luang chhuak.
IWD hi Pathianni a nih avangin he ni lawmna pualin Inrinni khan Synod Hospital-ah hun an hmang a. President R Zomuanpuii kaihhruai inkhawmah hian an General Secretary Vanlalrengpuii chuan an pawl hnathawh leh chet velna report a pe a. AMC Corporator C Lalchhandami chuan IWD thu chah sawiin, Pathianin hmeichhiate chu ropui takin a siam a, mipa te nena inkawp rem taka awmin hmeichhiate chu chawisan a tul zia a sawi.
Synod Hospital Director Dr RL Sanghluna pawhin kumin IWD thupui, ‘Pekin lukhawng a nei’ tih chu a taka an kalpui chu ropui a tih thu a sawi a. Presbyterian Hospital din chhoh nana a sulsutu hmeichhia an nih thu a sawi.
IWD pual hian AMEWRS chuan Synod Hospital-a dam lo 300 hnenah ei tur an pe a ni.