Aizawl: March 7, 2026 atangin eirawngbawlna gas bur khat man Rs. 60-in tisang.
Mizoram sorkara Supply Department chuan Divisional LPG Sales Head, Indane Divisional Office, IOCL Silchar atangin Inrinni khan lehkha dawngin, tun lai khawvel hmun hrang hranga geo-politics boruak avanga India ram chhunga LPG lakluh man a to chhoh thu leh, IOCL-in LPG rate a ennawn thu an dawng a. March 7, 2026 atangin domestic LPG cylinder (14.2 kg) man chu India ram hmun dang angin Mizoramah pawh bur khatah Rs. 60-in a tisang.
Mizoram district zawng zawngah domestic LPG cylinder 14.2 kg rate thar Rs. 1,065 chu March 7, 2026 atangin IOCL bithliah angin hman tan a nih thu Supply Department chuan thuchuah siamin a tar lang.