Aizawl: DD Indigenouse Games & Cultural Festival 2026 chu Inrinni khan zawh fel a ni.
Doordarshan Aizawl leh Mizoram Indigenouse Association General Headquarters Aizawl te tang kawp buatsaih Mizo infiamna hrang hrang hmanga in elna hunah hian infiamna chi hrang hrang pakua – Insuknawr, Inbuan, Insuknawr Tangho, Invawr, Kawikah, Inarpasual, kalchhet kal tangho, insaihruipawh leh Kalchhet kal mi mal te hmanga inelna neih a ni.
Ramhlun Sports Complex field-a DD Indigenouse Games & Cultural Festival 2026 buatsaihah hian infiammi 352 telin, heng zinga 126 chu hmeichhia niin, mipa 226 an tel a. Aizawl huam chhung veng 13 bakah, Aizawl pawn khua 12 leh India ram pawn Poland atangin infiammi pakhat a tel bawk.
Mizo infiamnate tihmasawn tur leh chawisang turin vawi eng emaw Mizo infiamna kut an lo buatsaih tawh thin a ni.