Aizawl: Kawrthah Forest Division hnuaia thawktute chuan dan kenkawhna lama an hmalakna nasa leh zuala chhunzawmin, dan lova thing phur motor hmun hnihah man a ni.
Rengdil khaw daiah dan lova thingphur truck pakhat leh Bungthuam khuaah truck pakhat man a ni a. Heng thing phurhte hi state pawn – Assam lama phurh an tum nia hriat a ni.
Kawrthah Forest Division thawktute chuan ramngaw hausakna humhalh kawngah khauh taka hma lak zel an tum a, patrol leh checking te pawh uluk lehzuala kalpui an tum a, dan lova thing phur chhuak emaw, thil dik lo ti hmute chu Range Office hnai berah hriattir turin Kawrthah Forest Division chuan mipui an ngen a ni.