Thla thara assembly inthlanpui lo awm tura an party-in dintir an tum tawh loh hnuah Assam BJP Minister Nandita Gorlosa-i chuan Pathianni zan tlai tawh takah khan Congress party a zawm a, Haflong (ST) bialah an a chuh dawn.
Congress hian Pathianni veka an candidate tur an puan vawi nganaah Haflong-ah hian candidate turin Nirmal Langthasa-i chu an lo ti tawh a. Gorlosa-i’n a zawm hnuah party hruaitute chuan an thlak a, a aiah an dintir dawn ta zawk a ni.
Gorlosa-i hi party hruaitute Congress-ah an lawm lut a, lawm luhnaah hian Assam Pradesh Congress Committee General Secretary Langthasa-i pawh a tel.
Congress chuan thuchhuah siamin, “Nandita Gorlosa-i’n Congress party a zawm thu kan puang thei hi kan lawm hle a…. Naktuk (Thawhtanni) hian Haflong biala kan candidate atan puan a ni ang,” an ti.
“Gorlosa-i hian Haflong bialah Congress hmingin inthlan hi a chuh dawn a, Sh Langthasa hian mipui vantlang tana tha zawk turin bial chhuahsan turin a inpe a. A tul ang tihfel ngaite tihfel a ni thuai ang,” a ti bawk.
Assam-ah hian inthlan chuh tum tan Thawhtanni khan hming pek hun hnuhnung ber a ni a. Bial 126 awm zawng zawngah hian April 9 hian thawh khatin vote thlak a ni ang.
Garlosa-i hi Haflong-ah MLA a ni mek a, BJP-in din nawntir an tum lo va, MLA tang lai eng emaw zat an paih zingah telin a aiah Rupali Langthasa-i an dintir dawn a ni.
March 19-a BJP-in candidate a puan hnu lawkah chhang letin Chief Minister Himanta Biswa Sarma telin hruaitu senior-te chuan an lo be tawh a. Sarma hian Pathianni khan Dima Hasao a tlawh a, Silchar-ah an party hruaitute hmu turin a kal leh a. Haflong-a BJP hruaitute chuan an tlawh chhung hian Gorlosa-i hi an thutkhawmah pawh a tel lo niin an sawi.
Pathianni zan tlaia Guwahati-a thuthar lakhawmtute a kawmnaah Sarma chuan a tirah hruaitu tlemte chauhvin party an chhuahsan thu leh Gorlosa-i’n BJP a chhuahsan loh thu a sawi a. A hnua a chhuak tih a hriat hnuah a thu sawi chu a siam tha leh a ni.
“Ka be tawh a, a lungawi hmel hle. Congress chuan Haflong-a an candidate tur an puang tawh a, engvangin nge chu party a zawm tih ka hre lo,” a ti.
Gorlosa-i hi kum 2021 khan thlan tlin a ni a, state cabinet-ah a tel a. Mine, mineral leh tribal faith portfolio te a enkawl a ni.
Barak Valley-ah BJP-in an candidate atangin MLA tang lai pathum an paih a. An zinga pakhat, Nihar Ranjan Das chu party atangin a bâng a, a hnuah chief minister a hmuh hnuah independent-a chuh a tum loh thu a sawi leh.
BJP MLA hlui dang, Amar Chand Jain chuan Congress a zawm a, Katigorah-ah a ding dawn a. He bialah hian BJP-in Congress MLA hlui, Kamalakhya Dey Purkayastha an dah ve thung a. Chief minister chuan hnehna a chan ngei a rin thu a sawi.
Assam hi April 9-a inthlang tur niin chuh tumte tan Thawhtanni thleng kha hming pek theih a ni.