Ruahtui a tla tan a, hetih lai hian sorkar chuan hmun hrang hrangah kawngpui a siam mek bawk. Ruahsur nan khawk theih hi ni lo hram se a duhawm hle.
Ruahtui hi a tam kum a nih chuan kan dawng chho leh mawlh mawlh ang a, a tla rei leh hle bawk. Chutiang a lo thleng palh a nih pawhin kan buai loh a, tun atanga kan lo inhmakhua thiam hi a ngai hle mai.
Chhiatna hrang hrang thlenzui thinna rama cheng kan ni a, heng chhiatna thleng thin hi a theih chin china kan lo inhmakhua theih, kan pumpelh theih a ni fo thin. Mahse, keimahni lam kan lo inbuatsaih that tawk loh avangin harsatna kan tawk zui duh fo.
Chutiang bawkin kan kawngpuite hi duat an ngai a, tuna siam mekte hi laihchhiat leh mahni duhna laia lo kar phawk ve ringawtte hi ching lo ila, sorkar hian theihtawpa thain siam se, mipui lam pawhin kan lo duat a, kan lo enkawl that a ngai viau.
Hmasawnna a awm dawn chuan mipui lamin kan zir ve a ngai a, mipuiin kan zir theih nan sorkar a that a, ruahmanna fel a neih a ngai bawk. Tun atang hian inbuatsaih ila, inhmakhua ila, kan ram leilungte hi i duat thar ang u.