Aizawl: Foundation For Drug-Free Mizoram bultumin Dampa bialtu M.L.A Dr. R. Lalthangliana hovin Thawhtanni khan West Phaileng Dinthar, Presbyterian English School-ah ruihhlo that lohzia inzirtirna neih a ni.
Resource Person Albert Lalremsanga’n zirlaite chu ruihhlo tel lo nun duhawm zawk thlang turin a fuih a. Ruihhlo laka fihlim turin zirlai 180 an intiam.
Dr. R. Lalthangliana chuan Pathianin thilpek a pek zingah nunna a hlu ber a, ruihhlo vanga an nun tichhe phal lo turin zirlaite a chah.