Aizawl: Chief Minister Lalduhoma’n Thenzawla a ram neih chungchang a sawi chhuak.
AMC inthlan tura ZPM candidate puanna inkhawm Thawhtannia Vana pa hall-a neihah chief minister chuan tun hnaiah mi mal inbeihna an tithar leh nasa em em a, MLA-ten an bial chhunga mi mangangten an ram chansak tura an tih thin chu nei lo chung chungin mi harsate puih nan MLA te chuan ram an leisak thin a, ani pawhin ZPM kaihhruai sorkar a din hma daih tawhin chutianga ram chansak chu a nei tih a sawi.
Mi harsa tanpuina a ni a, an mamawh avanga an lei leh an dil a nih loh thu sawiin Lalduhoma chuan, “Tuna Thenzawla ka ram an sawi pawh chutiang chu a ni. He ram an sawi sirah hian khatih laia a bialtu hmasa ram chu a leta zau a awm a, an ram neih ve nen chuan khaikhin tlak pawh a ni lo va, an sawisel ngai lo reng reng,” a ti a. Pathianin phuba reng reng la suh u, keima’n ka la ang a tih angin Pathian kutah an dah tih a sawi bawk.