US chuan Haiti-a Viv Ansanm leh Gran Grif mi sual pawlte sum leh pai lama an hmalakna chungchang hrilh thei hnenah lawmman $ maktaduai 3 thleng pek leh hmun danga sawn thlenga an tih theih thu a puang.
Washington chuan khawpui ber, Port-au-Prince, lo neihna hmun Artibonite region leh Haiti lailia gang za tam tak zawmkhawmtu pawl pahnihte hi firfiak pawlah a ruat a ni.
US-in sum pek a tiam hi tih dan a thlakna a ni a, a hma chuan luman hi gang hruaitu mi mal zel angin pek a tiam thin a ni.
Haiti venhim hna thawktute hian kum thum kaltaa UN-in a thlawp sipai leh US private military company-te puihna nen khawpui hmun tam zawk thununtu ralthuam keng gang-te hi an bei nasa hle a; mahse, gang hruaitu lawk man an la nei lo.
Mi tu tih hriat loh sum nei tak takten an puihnaa innghat gang-te hi sum leh paiah an ngaihtuahawm lo hle a, tun hnaiah khawpui chunga thuneihna an neihna chu sawh nghetin thingtlangah pawh an inzar pharh zui mek.
Kawngpui leh checkpoint an thunun bakah mi sum an chhuhsak a, tlanna phutin mi sang tam tak an ru bo va, silai, ruihhlo tawlh leh taksa peng hralh, lirthei, in leh thlai rua sum siam thinah puh an ni.
Gang-te nena inbeihna avang hian mi maktaduai 1.4 chuangin an in leh lo tlanchhiatsanin hmun dang an pan phah a, hei hian ei leh ina harsatna a tizual a. Kum 2021 atang khan Haiti-ah hian mi 20,000 vel thah an ni tih report a ni a, kum tin thi zat hi a pung zel bawk.
UN chuan gang-te an thah tam zawk hi dan lova an rama silai lak luh hmanga thah an ni tih an sawi a, tam tak chu Florida leh Georgia-a US lawng chawlh hmun kaltlanga lut nia rin a ni.