Aizawl: Mizoram Journalists’ Association (MJA) chuan Zirtawpni hian IPR Auditorium-ah General Conference 2026 an hmang dawn.
Chawhmaa inkhawmah Ramchuana, MFAS, Secretary, Finance Department-in khuallian nia hmanpuiin general leh finance report ngaihthlak a ni ang a, nikum conference leh kumin inkara an member thi pakhat, December 25, 2025-a thi, Ezrela Dalidia Fanaipari Fanai, DD Aizawl sunna hun hman a ni bawk ang.
Chawhnuah MISA kaihhruaiin kum 2026-28 chhunga an pawl hruaitu tur an thlang a. President C.Lalrambuatsaiha kaihhruaiin ro an rel zui ang.
MJA-ah hian Mizoram pumah member 190 vel awmin general headqiarters hnuaiah Khawzawl leh Saitual district an awm a, a bak district dang pariatah erawh district MJA a ding vek a. Conference-a tel tur hian Mizoram hmun hrang hrang atangin member-te chu Ningani khan an thleng khawm tan hlawm a ni.