Kim Kardashian leh Lewis Hamilton te inkar chu dawt thuthang mai a ni lovin a lang chho zel a, Japan lamah hawi thawvenna hun an hmang mek.
Reality star kum 45 mi nena an thil tih dun thenkhat chu F1 driver kum 41 chuan IG reels lamah tarlangin, hei hian an inkar a nghet zual zel nia rinna a siam lian hle.
Tokyo khawpuiah Ferrari F40 hmanga an tlan kual lai thlalak hrang hrang Hamilton hian tarlangin, a hnung lamah hlim takin, mipui hmuh hlau tak chung siin Kardashian hi a lo thu ve thung a ni.
March thla tawp atang khan Kardashian leh Hamilton te hian Tokyo lamah chawlh an hmang dun a, hetah hian Kim-i fa naupang pathum Saint,10; Chicago,9 leh Psalm,6 te pawh an tel ve a ni.
Khawtlang media thenkhatte chuan Hamilton hi pa zaidam leh chhungkaw ngai pawimawh tak a nih avangin Kim-i te nufa ho pawh hi a ngaihvenin, a ngaihsak hle niin an sawi a, anmahni career ve veah buai dun hle mahse, a theihtawpa hunawla hun hmanpui a tum reng thin niin an tarlang.
Anni pahnih hi March thla laihawl atang khan vantlang hriata ngaihkawih thei turin an lo inchhai zuks tawh a, heta tang hian an inkar awm nia sawi hi thuthang mai a ni lo tih a chiang chho zel a ni.