Silai hmanga beih a ni a, hliam a tuar. Chuti chung chuan a fans te tan Offset a indawmkun mai lo, an tan stage-ah a inlan leh a, ngaihven leh ngaihhlut a hlawh hle.
Kum 34 mi rapper hian April 11 khan University of Arkansas’s Rowfest-ah wheelchair hmangin dawhkan a rawn mawi a, authawm a ring tha ham ham hle a ni.
Offset hi a hming tak chu Kiari Cephus niin, a perform lai hi IG lamah dahchhuakin, wheelchair hmanga a perform lai video a tarlang a, Migos hla ‘Bad and Boujee’ a dah tel bawk.
A caption-ah chuan ‘REAL LOVE’ tia ziakin, love sticker a dah tel a, a thlalak hrang hrang tarlan zingah chuan amah ngaisangtute hlim leh lawm lai thlalak a tam hle a ni.
Offset hi April 6 khan silai hmanga kah a ni a, kah a nih hnu ninganaah stage rawn luahlum lehin, a thupuangtu chuan amah enkawltu doctor, nurse leh staff zawng zawngte chungah lawmthu a sawi a, dan dik taka hospital atanga chhuak a nih thu a sawi ve bawk.
Rapper kah a nih chungchangah hian rapper ve tho Lil Tjay chu man niin, a hnuah thukiamkam neia chhuahtir leh a ni thung a, Tjay chuan engmah inrawlhna a neih loh thu leh a tih ngai loh tur thil a nih thu sawiin, he thil thleng hi la chhui chian mek zel a ni.
Rapper Offset hian fa paruk nei tawhin, an zinga pathum chu a nupui then tak Cardi B nena an fa a ni.