AIZAWL: Mizoram sorkar department hrang hrang zingah mi mal (private) in luah 29 an awm a. Mi mal in luah man thla khata an chawi zat belhkhawm hi Rs 17,81,820 a ni.
Assembly session neih zawh taka Aizawl North I bialtu MLA Vanlalhlana ziaka zawhna finance changtu, Chief Minister Zoramthanga’n a chhan danin sorkar department mi mal in luah 29 an awm a, heng department-te mi mal in luah zat belhkhawm hi 110 a tling a. Department-ten thla khata in an luah man senso belhkhawm hi Rs 17,81,820 a tling.
Sorkar department mi mal in luah zingah hian police headquarters in luah tam berin, mi mal in 15 an luah a. Thla khata in luah man atan Rs 1,80,864 an seng ni.
Police hqrs bakah G&MR chu mi mal in luah tam ber dawttu niin, in 11 an luah a. Luah man atan thla khatah Rs 25,300 sen a ni a. Women & Child Development-in mi mal in pakua luahin thla khat senso hi Rs 1,93,263 a ni a. P&E-in pariat luahin, in luah man atan thla khatah Rs 1,32,600 an seng a, Account & Treasuries hian in pasarih luah hawhin thla khata an senso hi Rs 1,08,900 a tling bawk.
Horticulture hian mi mal in panga luahin an thla khat luah man senso hi Rs 27,093 a ni a. Sports & Youth Services, Social Welfare, School Education leh LESD&E te’n mi mal in pali an luah \heuh a ni.
Sorkar department hrang hranga mi mal in luah zinga thla khata in luah man senso sang ber chu H&TE niin, he department hian mi mal in pathum an luah a. Anni bakah Irrigation & Water Resources, Sainik Welfare & Resettlement, Excise & Narcotics, Taxation, DC Lawngtlai, PHE leh FCS&CA te’n pathum an luah \heuh bawk.
Hospital & medical Education te, Agriculture, AH&Vety leh DC Mamit te’n mi mal in pahnih \heuh an luah laiin, IF&SL, Directorate of AYUSH, Fisheries, LRS&WC, Mizoram Scholarship Board, Art & Culture leh Cooperation ten pakhat \heuh an luah ve thung a ni.