Remna leh muanna hi mi dangte entawn tura chawi lar zel tur a ni : CM

Chief Minister Zoramthanga chuan remna leh muanna chu Mizo hnam nihnaa bet tlat, mi dang pawhin an entawn theih tur langsar tak ni zel tura a duh thu a sawi.
March 12, 2022 khan chief minister hian ZOHANDCO building, Chaltlang Lily vengah a duh apiang dawr theih turin ZOHANGDO Sales Emporium a hawng a. Hawnna inkhawmah thu sawiin hnam humhalh kawngah puan tah leh thiam hnang dehtute kutchhuak chu chawi lar thiam a pawimawh thu a sawi.
Chief minister hian hnam puitling apiang an culture a hausak thu a sawi a. “Kan ni tin nunah kan hnam ziarang tilang theitu kan nunah bet tlatin, hnam dang pawhin an rawn hmuh theiha kan chawi lar thiam a pawimawh a. Remna leh muanna, remna siamtu nihna hi langsar ber se,” a ti.
ZOHANDCO chungchang sawiin, corporation dang \henkhat nen economy lam thlira chhan \ha tak takte avanga chawlhtir a nih hnuah hmabak \ha tak nei nia hriat a nih avangin harsatna karah pawh sorkarin a tung ding leh niin a sawi a. Hnam thuamhnaw leh kut chhuak hrang hrang chawisanna atan leh, puan tah leh thiam hnang deh lama eizawngtute eizawnna tihhmasawn kawngah an pawimawh thu a sawi bawk.
Kum 2019 khan ZOHANDCO hi din thar leh a ni a. Tunah hian C Lalrammawia chu chairman niin, managing director chu Benjamin Lalzama a ni a. Board of Directors-ah mi pakua an awm a, office-ah hian thawktu 19 an awm bawk.
Din thar leh a nih a\ang khan activity hrang hrang neiin, chung zingah chuan puantah leh thiamhnang deha eizawngtute eizawnna chawi lar tura expo hrang hrang buatsaih te, seminar buatsaih te a tel.
Sales Emporium hawnna inkhawmah hian FCS&CA Minister K. Lalrinliana, Bamboo Link Road Board Vice Chairman Ramthanmawia, MLA Zothantluanga leh K. Laldawngliana te, AMC Mayor Lalrinenga Sailo te leh mi pawimawh dangte an tel a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427