- Hma taka zanriah ei
I mut hma darkar thum chhungin engmah ei loh tur. Dar 7-ah zanriah i ei a, dar 8-a i mut leh mai zawngin a fuh lo hle niin mithiamte chuan an sawi. Mut dawn hnaiha chawbel hawn rik rum rumte hi thil hrehawm tak a ni lova, riltam te hi a zual thut emaw tih mai turin ei tur dapin kan phi cheng thin. Mahse, rilru nghet taka siamin, mut hma darkar thum chhungin ka ei hman tur a ni ti la, zawm tum ngei bawk ang che.
- Zanriah hian thau leh thau lohnaah nghawng a nei em?
Pumpuiina chaw a pai tawihna turah hian a theih hram chuan a hma lama zanriah ei hi a pawimawh hle a. A chhanchu, mut hma-darkar thum kaltaah chaw kan ei tawh a, kan taksa a che reng bawk a, hei hian kan thil eite kha thau cell-ah inhnawhkhawm hman lovin pumpuiin a lo pai tawih thei ta thin.
‘Zanriah ei hma’ tih hian nitlak hma nghah kher tur tihna a kawk lova, a awmzia tak zawka chu zanriah ei zawh-ah fai taka ha hnawh a, chumi hnu lam chuan eng-mah ei tawh loh tur tihna a ni. Biscuit emaw kamram lam chi reng reng kâ-ah a lut tawh tur a ni lo.
Hmui hmer leh thil thlum ei fo mai hian thau a siam nasa hle a, thil kan ro/rawh te pawh ei tlem a tha. Taksa tana thil tha tak takte hi a hmalama ei fo tur a ni.