Aizawl mipuiin an aiawha khawpui enkawltu tur an thlanna, Aizawl Municipal Corporation (AMC) inthlanna zawh takah ZPM chuan hnehna sang tak an chan ngei an inbeisei a, vote thlaktu zawng zawngte chungah lawmthu an sawi.
Nimina an thuchhuahah ZPM chuan AMC inthlan chu boruak muanawm tak hnuaiah tluang taka zawh fel a lo ni ta. He inthlana ZPM-in hnehna an chan ngei theih nana thawktu ZPM block, ward campaign committee, unit leh mi mal campaigner-te chungah lawmthu an sawi bakah, inthlan buatsaihtu, State Election Commission te, vote thlaknaa mawhphurtu polling party te, dan leh thupek kengkawhtu police-te leh vote thlaktu Aizawl khawpui mipuite zawng zawngte chungah lawmthu an sawi.
ZPM chuan Pathian leh mipuite zarah AMC inthlanah hian hnehna sang tak chan ngei an inbeisei tih sawiin, “Kan ram leh hnam tan, kan khawpui Aizawl leh mipuite hmasawn nan, election manifesto ang taka municipal sorkar tha din turin theihtawp kan chhuah zel dawn a ni,” an ti.