Aizawl: Mizoram Board of School Education (MBSE)-in Higher Secondary School Leaving Certificate (HSSLC) Result, 2026 tluang taka a hun taka result chhuah a nih theihna tura thawktu te chungah Central YMA chuan lawmthu an sawi.
Central YMA chuan HSSLC result, 2026 chhuakah a pumpuiah zaa 87.67 in hlawhtlinna an chang chu lawmawm an tih thu sawiin, nikuma zaa 81.10 aia kumina pass percentage a sang zawk hi hmasawnna ropui tak a ni a, pass zawng zawngte an lawmpui thu an sawi a. Zirlai hlawhtlinna chang zawng zawngte an zir leh zelna turah leh an hma lam hunah hlawhtlinna chang zel tura theihtawp chhuah zel turin an beisei a, duhsakna an hlan.
Tun tuma hlawhtling ve rih lote pawh hnual mai lova theihtawp chhuah a bei zel tura ngenin, Mizoramah zirnain hma a sawn zel theihna tura theihtawp chhuah tlang turin Central YMA chuan mipuite an sawm bawk.