Portuguese champion Porto chuan Arsenal atanga loan-a an hawh mek, defender Jakub Kiwior chu a ngheta an lak luh thu an puang a, Poland international hian kum 2030 thleng Porto tana khel tur hian contract a ziak.
Kiwior-a’n Porto a zawm khan season tawpah € maktaduai 17-a zawm theihna dan a ziak tel a, a khelh that dan azira € maktaduai 5 pek belh tura tih a ni bawk a. A tawpah chuan Kiwior-a’n Porto lung a dum a, a nghetin an la lut ta a ni.
Kum 26 mi, Kiwior hi Belgian club Anderlecht atanga inzir chhuak niin Slovak club Zeleziarne Podbrezova leh MSK Zilina tana a khelh hnuah Italian club Spezia tan a khel a, January, 2023 khan Arsenal a zawm.
Gunners tan vawi 68 a khel hman a, goal thum khungin a thiante thun tur vawi nga a siamsak hman.
Porto a pan hnuah Portuguese club tan vawi 38 khelin, league sang ber nomawi a lakpui a, centre back-ah a hun tam zawk chu khelin left back-ah chhawr a ni thin bawk.