Aizawl: Mizoram Larsap, General Vijay Kumar Singh chuan nimin khan Ministry of Tribal Affairs hnuaia sak, Tribal Reserch Institute (TRI) leh Ropuiliani Tribal Freedom Fighters Museum (RTFFM), Kelsiha hnathawh mekte tlawhin hmalak dan a enfiah.
He’ng hmun a tlawhnaah hian Larsap General Vijay Kumar Singh chuan hnam ziarang, nunphung leh tihdante ngaihhluta vawnhim a pawimawh takzet thu sawiin, Tribal Reserch Institute leh Ropuiliani Tribal Freedom Fighters Museum-te chu tangkai taka hman tura siam a tul thu a sawi a. Khualzin, zirlai leh zirbingmite tana tlawh man hla ni tura thil tha duang turin line department-te a chah.
Larsap chuan tribal hnam ziarang leh Mizo chanchinte awmze nei taka pholan a nih theih nan hun bituk siama hawnfel hma ngeia a nih dan tur dik tak a nih thei nana theihtawp chhuah turin a chah bawk a. A ngaimawh leh tul nia a hriatte hrilhin, hun remchang hmasa berah hmalak dante enfiah leh a tum thu a sawi.
He hunah hian David Lalthantluanga, Secretary, Planning & Programme Implementation Department; Dr. Lalrinchhana, Principal Adviser-cum- Additional Secretary, Planning & Programme Implementation Department; Er. Robin Lalrinawma, Chief Engineer (CE), PWD; Lucy Zaithangpuii, Additional Director, Horticulture Department; TC Lalkhuma, Jt. Secretary, Art & Culture Department leh official dangte’n an hmalak dante Larsap hi an hrilh fiah a ni.