Zaithiam Dua Lipa chuan Samsung lakah thubuai thehlutin, a phalna la lovin an television faknaah a thlalak an hmang niin a sawi a, $mtd 15 chawi turin a ti.
Dua Lipa chuan a phalna la lo leh a hlawkna pawh engmah tel ve lovin Samsung chuan a TV zawrhah a thlalak an hmang char char niin a sawi a, Central District of California-ah thubuai hi a thehlut a ni.
He an thlalak tarlan hi kum 2024 kuma Austin City Limits Music Festival-a a thlalak niin, Samsung hian kum 2025 atang khan an TV zawrhah an hmang tan niin Dua Lipa chuan a sawi a, thiam a chang a nih chuan Samsung hian chawi theih hrang hrang an chawi lawih ngeiin a rinawm.
Lipa sawi dan chuan Samsung hnenah hian hmang tawh lo turin vawi tam a ngen niin a sawi a, mahse hei hi TV company chuan engahmah ngai lovin, vawiin thlengin a phalna la lovin an la hmang reng niin a sawi a ni.
Thubuai ngaihtuah hun tur hi tarlan a la ni lo a, Dua Lipa chuan a tawp thlenga theihtawp chhuaha a dikna humhim tura beih a tum thu a sawi.
Hemi chungchangah hian Samsung lam chuang engmah an la sawi ve lo thung a ni.