Argentine midfielder ropui, Lionel Messi chuan a hlawhtlinna ropui tak phena a thuruk a sawi chhuak a, a fapate chu infiamna chi hrang hrangah a hlahthlem ngai lo tih a sawi.
Messi chuan chak chu a ngaihtuahna luah khattu awm chhun a ni tih a sawi a. Hnehna chan chu a atchilh em avangin a fate ngei pawh eng infiamnaah mah a hlahthlem ngai lo tih a sawi a ni.
“Engkimah chak ka duh! Ka fapate pawh video game-ah ka chaktir ngai lo,” a ti.
“Khatiang mizia kha ka pu hrim hrim a, chu chuan tun dinhmuna thil ka lo hlawh chhuah tawh zawng zawngte hi min hlawh chhuahtir a ni. Tlawm dan ka thiam lo; mahse, chu chuan tun dinhmuna ka nihna hi min siam a ni,” tiin Messi chuan a sawi fiah.
Tun dinhmunah Messi hi Major League Soccer club Inter Miami tan a khel mek a, tun season-ah vawi 12 a khelh tawhah goal kua a khung tawh bakah a thiante tan goal khat a siamsak tawh bawk a ni.