Bollywood lemchan thiam, nu a nih hnu pawha sawm hlawh ber pawl la ni reng Kiara Advani chuan a lar tanna leh a film inlanna hmasa ber chu mi tam takin an hre thelh thin deuh niin a sawi a, kum 2014 kum kha a nih thu a sawi.
Raj Shamani’s podcast-ah he thu hi Kiara chuan sawichhuakin, thenkhat chuan ‘MS Dhoni: The Untold Story (2016)’ leh ‘Kabir Singh (2019)’ kha mi tam tak chuan ka inlan tanna leh ka larna niin an ngai thin, mahse ka debut tak tak chu kum 2014-a comedy-thriller Fugly kha a ni zawk, a ti.
Film industry a luhchilh hnu hian zan khat thil thuah a nun chu nasa tak takin a inthlak hlawk hlawk thin tih sawiin, ka thiltih leh inlanna zawng zawng hi hlawhtlinna a ni nghal vek bik lo a, thenkhat phei chu box office lama che chhe ve tak takte an ni fo, a ti bawk.
Kum 34 mi lemchanthiam chuan, heng ka harsatna tawh hrang hrangte hi inzir nan ka hmang a, ka zirlai min puitu tha tak an ni zawk, ka film inlanna hmasa ber Fugly te kha ka theihnghilh thei tawh lo, a ti bawk a ni.
Fugly te kha che chhe tak a ni a, a hnu thlengin hmun hran hranah hnawl zui ka ni fo a, chumi hnua han dinchhuah leh tum pawh thil harsa tak a ni, a ti a ni.