Tunhnaiah Mizo hmeichhia, phaia inzawrhluihtirte chhanchhuah niin, rampung a dengchhuak a, a titute hriat tawh niin, hemi kawnga Mizoram Police te thawhrimna a fakawm hle.
Inkalpawhna kawng a that tawh leh awlsam tawh avang hian awlsamtein ram laili leh khawpui lian zawk kan thleng zung zung thei tawh a, Mizote tute pawhin kan kalna tur leh kan hnathawhna tur hi a theih ang anga kan lo zirchian hmasak ve pawh a tul ta hle.
Sorkar hnain min daih vek lo a, mahnia eizawnna ngaihtuah chawpa kawng kan insahkuak chawp thiam a tul hle tawh lai hian kan fimkhur sauh sauh pawh a tul hle.
Thiam taka online leh kalchilh meuha hna min rawn zawrhtute hi an rintlak em tih kan chian ve a tul a, a hnua buaina nasa zawk thleng thei a nih avangin heng hote hi kan lo chian hmasak ve a tul hle a ni.
A bik takin hmeichhe lam tan phai lama hna tha leh mawm tak tak thawh tur hriaa, hruaithla theitu hmuh hi rin ngam ngawt loh tur a ni a, hote leh awlsamtea hmingchhiat leh hminghliau theihna a nih avangin fimkhur a tul hle.
Tun hnaia kan boruak tawn atang hian inhmuchhuak thar ila, fin leh fimkhur phah nan hmang ila, risk ila ringawt ngam lo tawh teh ang u.