Aizawl Municipal Corporation (AMC) Executive Corporator thar, K. Lalrodinga chuan AMC Office, Thuampuia a pisa thar nimin khan a luah lut tan.
Pisa luah luh pual hian hun tawi hman a ni a, he hunah hian K. Lalrodinga chuan Pathian hnenah lawmthu sawiin, he dinhmun a thlen theihna atana thlawptu bialtu MLA, party worker-te leh a chhungte chungah lawmthu a sawi a. Zirtirtu hna kum 14 a thawh hnuah ram rawngbawl tura Pathian ruatna anga politics-a a luh thu sawiin, hemi kawnga kaihruaitu Lalchhuanthanga, MLA chungah lawmthu a sawi bawk.
Bialtu MLA Lalchhuanthanga pawhin he hun hi hmanpuiin, bial chhung hmasawnna tana theihtawp chhuahho zel turin kalkhawmte a fuih a ni.
Pisa luah luh inkhawm hi ZPM Aizawl South-II Block President Lalchungnunga’n a kaihruai a, Pastor Lalrintluanga Tlau-in Pathian hnenah hlanin hunserh a hmang. He hunah hian Ward 18 Campaign Committee member-te, LC member leh party hruaitu thahnem tak an tel a ni.