Aizawl Municipal Corporation (AMC) term 4-na atana Executive Council Meeting hmasa ber chu Mayor H. Lalremtluanga kaihhruainain a pisa-ah nimin khan neih a ni.
Meeting-ah hian R. Lalawmpuii, Deputy Mayor leh Executive Council Member – Christina Roluahpuii Sailo, Vanlalhruaia, Vanlalfaka, K. Lalrodinga, Joseph H. Lalramsanga, Municipal Commissioner leh AMC-a officer dang an tel.
Executive Council chuan AMC hmasawnnan a hmalakna tur chi hrang hrang leh felfai taka chak zawka hmalak dan turte, khawpui chhung enkawl kawnga hna a thawh dan tur pawimawh tak takte sawi hovin, hmalak dan tur ruahmanna an siam.
Thutkhawmah hian Aizawl khawpui chhung changkanna leh hmasawnna ruhrel hmel thar hmuh zel theih nan Ward Committee din dan tur leh chak zawka kalpui a nih theihna tur te sawi ho a ni a, AMC tha alo chak leh zual zawk nan Local Council te nena inthlawp tlata tha leh zuala thawhho dan tur te sawiho bawk.
Lalremruata Kullai, Joint Municipal Commissioner chuan AMC dinhmun leh a hnathawh thin bakah, AMC in dan leh hrai a kenkawh hrang hrang chunchangah presentation pein, AMC function hrang hranga hmasawnna tur leh mipui tana chhenfakawm zawka kal pui turin zirchian ngai lai te lo zirchiang turin study team din rel a ni bawk.
- Mayor, Dy. Mayor leh Executive Corporator-te hna chanpual:
H. Lalremtluanga, Mayor
1) General Administration
2) Registrations of Births and Death
3) Shop Licensing
4) Disaster Management
5) Any other deartment not specifically mentioned
R. Lalawmpuii, Dy. Mayor
1) Parking
2) Public Works
Executive Corporator:
I. Christina Roluahpuii Sailo
1) Cash & Accounts (Finance)
2) Water and its related matters
3) Hoarding & Advertisment
II. B. Vanlalhruaia:
1) Building Regulations
2) Slide Development & Slope Modification
3) Urban Town Planning
4) Vending
III. C. Vanlalfaka
1) Property Tax
2) Lightning & Electricity
3) Collection of Fees, Rents, Service Charges
4) Property Maintenance
IV. K. Lalrodinga
1) Solid Waste Management
2) Sanitation & Public Convenience
3) Slaughter House (Including Vety)